Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2419 und in vür kæme,
        swâ er des state vunde.
        nû wâren ouch zer stunde
        vür komen ûf den selben muot
        gesellen zwêne, ritter guot:
2424 und als si in gesâhen,
        zuo im begunden si gâhen
        ûf vil gewissen sin.
        der ein tjostierte wider in:
        den selben er von dem rosse stach.
2429 dem andern alsam geschach.
        ir rosse er niene ruochte,
        wan daz er vürbaz suochte
        ritterschefte mêre.
        dô geviel im diu êre
2434 diu in an lobe zierte,
        daz er vünfstunt tjostierte
        alsô daz nie ritter baz.
        zwô genâde vuocten im daz:
        sælde und grôze werdekeit,
2439 die hâte got an in geleit.
[ zurück ]