Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8633 er tete als die wîsen tuont,
        wan hie hôrte vorhte zuo.
        ûf stuont er vil vruo.
        mit vrouwen Ênîten er kam
        dâ er messe vernam
8638 in des heilegen geistes êre,
        und vlêhete got vil sêre
        daz er im behielte den lîp.
        des selben bat ouch sîn wîp.
        ze vlîze begunde er sich bewarn,
8643 alsam ein ritter der sol varn
        kemphen einen vrumen man.
        nâch der messe schiet er dan.
        dô was der imbîz bereit,
        grôz wirtschaft die er alle meit.
8648 deheines vrâzes er sich vleiz:
        abe einem huone er gebeiz
        drîstunt, des dûhte in genuoc.
        ein trunc man im dar truoc
        und tranc sant Jôhannes segen.
8653 zehant wâfente sich der degen
[ zurück ]