einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2277 möhte er gehabet hânnâch sînem willen volle hant. als ez im nû was gewant, dar nâch sazte er sînen muot. sîn harnasch enwas niht sô guot 2282 noch selh sîn geselleschaft, als ob er hete des guotes kraft. nâch sîner maht vienc erz an. nû pruofte der junge man drîe schilte gelîch 2287 und driu gereite alsamelîch mit einem wâfen garwe: doch schiet si diu varwe. der ein im hurtlîch genuoc was, ûze ein liehtez spiegelglas, 2292 vil verre glaste der schîn, dar ûf ein mouwe guldîn, zer mâze sô si solde, innen gar von golde. der ander von sinopel rôt: 2297 dar ûf slahen er gebôt |