Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

32 sîn lîp zuo sînem herzen sprach:
    Ouwê, herze und dîn sin,
    wærst dû iht anders danne ich bin,
    dû hætest wol verschuldet umb mich,
    daz ich klagete über dich
37 allen den ich des getrûwe,
    daz sî mîn schade gerûwe
    daz sî mich ræchen an dir.
    und swie ez dar zuo stât mir,
    zewâre, ich tæte dir den tôt
42 und gulte dir alselhe nôt
    die dû mir ofte bringest,
    wan dû mich leider twingest
    mit dîner krefte swes dû wil;
    wan des gewaltes ist sô vil
47 des dir an mir verlâzen ist,
    daz mir deheines mannes list
    fride dâ vor mac gegeben,
    ich enmüeze in dînem gewalte leben,
    daz ich dem niht entwenken mac.
52 des gewinne ich manigen swæren tac;

[ zurück ]