einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1066 der rîche wol hin dan bazwol über einer mîle zil. der arme hete kinde vil; der rîche nie dehein kint gewan, niuwan ein tohter, diu hete man.1071 nû wart der abbet enein vil guoter vuoge mit den zwein, daz sich der ermere man næme daz kint an und ez dâ nâhen bî im züge1076 und den liuten alsus lüge, swer in ze deheiner stunde vrâgen begunde wâ er daz kint hete genomen, daz ez im wære komen1081 von sînes bruoder tohter (deheinen list enmohter erdenken sô gevüegen) unde daz si ez trüegen, sô si wol enbizzen sît1086 unz nâch der messezît, |