einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2144 und vuorte in mit gewalte danvaste gegen dem bürgetor. daz was im noch beslozzen vor und enwart niht drâte in verlân. nû hâte des war getân2149 des herzogen ritterschaft. die begunden mit aller ir kraft gegen ir herren gâhen. dô daz die burgære sâhen, dô wurfen si ûf diu bürgetor.2154 alsus ergie dâ vor der aller hertiste strît der vordes oder sît von sô vil liuten ergie. doch behabete Grêgôrius hie2159 sînen gevangenen man und brâhte in ritterlichen dan. zuo sluogen si diu bürgetor. dô huoben si dâ vor einen sturm harte grôz:2164 unlanc was daz sis verdrôz. |