Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

227 daz si den tôt durch iuch lite.
       nu enist ez niht der liute site
       daz ez ieman gerne tuo.
       sone hœret ouch anders niht dar zuo
       niuwan der maget herzebluot;
232 daz wære vür iuwer suht guot.<
       Nu erkande der arme Heinrich
       daz daz wære unmügelich,
       daz iemen den erwürbe
       der gerne vür in stürbe.
237 alsus was im der trôst benomen
       ûf den er dar was komen,
       und dar nâch vür die selben vrist
       sône hete er ze sîner genist
       dehein gedingen mêre.
242 des wart sîn herzesêre
       alsô kreftic unde grôz,
       daz in des aller meist verdrôz,
       ob er langer solde leben.
       nû vuor er heim und begunde geben
247 sîn erbe und ouch sîn varnde guot,
[ zurück ]