einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5891 Dô sî sî vrâgende wartob sî iht weste sîne vart, dô hiez ir vrou Lûnete, diu gerne höveschlîchen tete, ir pfärit gewinnen.5896 sî sprach 'ich wil von hinnen mit iu rîten an die stat dar er mich mit im rîten bat, dô er hie vür mich gestreit unde ûz disem lande reit.'5901 alsus bewîste sî sî dar und sprach 'vrouwe, nu nemet war, an dirre stat dâ liez ich in: war ab stüende sîn sin, des enwolder mir niht sagen.5906 und ein dinc wil ich gote clagen: er und sîn lewe wâren wunt sô sêre daz er zuo der stunt mohte gevarn unverre. daz in unser herre5911 vor dem tôde bewar! |