Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5910 daz in unser herre
        vor dem tôde bewar!
        ez ist an sînem lîbe gar
        swaz ein rîter haben sol.
        deiswâr ich gan iu beiden wol
5915 daz ir in gesunden vindet,
        wand ir danne überwindet
        mit im alle iuwer nôt.
        weizgot, vrouwe, ich wære tôt,
        wær er mir niht ze helfe komen:
5920 alsus werde iu benomen
        al iuwer swære.
        swaz ich guoter mære
        von iu vernime, des vreu ich mich.'
        hie mite schieden sî sich
5925 und diu dâ suochte, der was gâch.
        der rehten strâze reit sî nâch,
        unz sî die burc ane sach,
        dâ im vil michel gemach
        ûffe geschehen was,
5930 wan er dâ lac unz er genas.
[ zurück ]