einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6413 mir ist iuwer kumber leit:und wizzet mit der wârheit, sô sêre erbarmet ir mich, ich benæmen iu gerne, möht ich. ich wil gân unz ich vinde6418 des hûses ingesinde, wie daz gebâre wider mich. diu rede ist nie sô angestlich, und wil mir got genædec wesen, sô trûwe ich harte wol genesen.'6423 alsus bat er ir got pflegen: ouch gâben si im vil manegen segen. sus begunder suochende gân und sach ein schœne palas stân: dar ûf gienc er schouwen6428 mit sîner juncvrouwen, und envant dar ûffe wîp noch man. nû volget er einem wanke dan, der in einen wec leite über des palas breite:6433 wan dô het erz ersuochet gar. |