Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

418 ir nôt si bedahten
      mit zühten swie si mahten,
      daz mans iht würde gewar.
      daz ouch ir ie alsô gar
      diu armuot oberhant gewan,
423 daz weste lützel ieman.
      dem wirte was diu arbeit
      die er von grôzer armuot leit
      dâ wider süeze als ein mete
      dâ engegen und im diu schame tete.
428 der alte wirt hiez Koralus
      und diu hûsvrouwe sus,
      Karsinefîte,
      ir tohter Ênîte.
      swen dise edeln armen
433 niht wolden erbarmen,
      der was herter dan ein stein.
      der juncvrouwen œheim
      was der herzoge Îmâîn,
      des diu hôchzît solde sîn,
438 der herre von dem lande.
[ zurück ]