Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

558 daz mîn swester gelît,
      wâ si des kindes genese
      daz ir geburt verswigen wese.
      nû gedenke ich, ob ich wone
      die wîle mîner swester vone
563 ûzerhalp dem lande,
      daz unser zweier schande
      sî verswigen deste baz.'
       Der wîse sprach: 'sô râte ich daz:
      die iuwers landes walten,
568 die jungen zuo den alten,
      sult ir ze hove gebieten
      und die iuwerm vater rieten.
      ir sult iuch wider si enbarn
      daz ir zehant wellet varn
573 durch got ze dem heiligen grabe.
      mit bete gewinnet uns abe
      daz wir der vrouwen hulde swern
      (des beginnet sich dâ nieman wern),
      daz si des landes müeze phlegen
578 unz ir belîbet under wegen.
[ zurück ]