Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1166 als unser reht wære.
        des wante uns, lîp, dîn lazheit.“
        herze, daz ist mir iemer leit,
        unde büeze ez swâ ich sol.
        „lîp, nu gevellet mir dîn rede wol.“
1171 entriuwen unde tuot sî sô?
        „jâ sî zewâre alsô.“
        Nû leiste ich gerne swaz dû wil.
        „sô füege ich dir liebes vil.“
        herze, waz gap dir den gewalt?
1176 „lîp, dîn üppic frâge tuot mich alt.“
        nu enzürne niht und wis mir guot.
        „waz ist daz dir unsanfte tuot?“
        dû maht wol selbe wizzen waz.
        „würde ichs gemant, ich weste ez baz.“
1181 mir enwart nie helfe nôt wan nû.
        „sage, lîp, waz meinest dû?“
        mîn leben daz ist kumberlich.
        „bistû siech?“ nein ich.
        „kunde ich, lîp, ich hulfe dir.“
1186 dû solt âne dige helfen mir.
[ zurück ]