Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

8136 sus wart versüenet der zorn.
         Hie gesach vrou Lûnete
        die suone diu ir sanfte tete.
        swâ man unde wîp,
        habent guot unde lîp,
8141 schœne sinne unde jugent,
        âne ander untugent,
        werdent diu gesellen
        diu kunnen unde wellen
        ein ander behalten,
8146 lât diu got alten,
        diu gewinnent manege süeze zît.
        daz was hie allez wænlich sît.
        hie was vrou Lûnete mite
        nâch ir dienesthaften site.
8151 diu hete mit ir sinne
        ir beider unminne
        brâht zallem guote,
        als sî in ir muote
        lange hâte gegert.
8156 ir dienest was wol lônes wert:
[ zurück ]