einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1399 sît er mînen herren hât erslagen,wie mac er dar an verzagen ern lâze sich ouch ein wîp sehen? wand waz möht im von der geschehen?' Dô sî gesuochten genuoc1404 und in sîn stein des übertruoc daz im niht arges geschach, wand in dâ nieman ensach, do gelac daz suochen under in. ir tôten truogen sî hin1409 ze münster, dâ manz ambet tete mit vollem almuosen und mit gebete. dar nâch truogen si in ze grabe. von ir grôzen ungehabe wart dâ ein jæmerlîcher schal.1414 diu juncvrouwe sich dô stal von dem gesinde dan und gruozte den verborgen man und trôst in als ein hövesch maget. ouch enwas her Îwein niht verzaget:1419 im hete diu minne einen muot |