einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich545 dû bist vil alwære, daz dû dich sô manige swære von selher klage hâst an genomen der nieman mac zeim ende komen. wan lâstû uns slâfen?< 550 sus begunden si si strâfen: waz ir diu klage töhte, die nieman doch enmöhte erwenden noch gebüezen? sus wânden si die süezen 555 gesweigen anderstunt. dô was ir wille in unkunt. sus antwurte in diu maget: >als uns mîn herre hât gesaget, sô mac man in vil wol ernern. 560 zewâre, ir enwelt mirz danne wern, so bin ich zer arzenîe guot. ich bin ein maget und hân den muot, ê ich in sehe verderben, ich wil ê vür in sterben.< 565 Von dirre rede wurden dô |