Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1361 nû seht, alsô begunden
        im bluoten sîne wunden,
        dô man in in daz palas truoc:
        wan er was bî im der in sluoc.
        dô daz diu vrouwe rehte ersach,
1366 sî ruofte sêre unde sprach
        'er ist zewâre hinne
        und hât uns der sinne
        mit zouber âne getân.'
        die ê daz suochen heten lân,
1371 die begunden suochen anderstunt.
        daz bette wart vil dicke wunt,
        und durch den kulter, der dâ lac,
        gie manec stich unde slac:
        ouch muoser dicke wenken.
1376 in winkeln und under benken
        suochten sin mitten swerten,
        wand sî sîns tôdes gerten
        alsam der wolf der schâfe tuot.
        von zorne tobet in der muot.
1381 Ze gote huop diu vrouwe ir zorn.
[ zurück ]