Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

344 ezn betwanc mîn gemüete
      unde bekumbert mînen lîp
      nie sô sêre maget noch wîp
      und getuot ouch lîhte nimer mê.
      ouwê immer unde ouwê,
349 waz mir dô vreuden benam
      ein bote der von dem wirte kam!
      der hiez uns beidiu ezzen gân.
      dô muose ich rede und vreude lân.
       Dô ich mit ir ze tische gienc,
354 der wirt mich anderstunt enpfienc.
      ezn gebôt nie wirt mêre
      sînem gaste grœzer êre.
      er tete den stîgen und den wegen
      manegen güetlîchen segen,
359 die mich gewîset heten dar.
      hie mite sô übergulterz gar,
      daz er mich ir nie verstiez
      und mich sô güetlichen liez
      mit der juncvrouwen ezzen.
364 ouch enwart dâ niht vergezzen

[ zurück ]