Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3604 dô er sî vür sich rîten sach,
        dô wærer ûf gesprungen,
        wan daz er was betwungen
        mit selher siecheite
        daz er sô wol gereite
3609 niht ûf enmohte gestân
        als er gerne hete getân,
        unde rief ir hin nâch.
        dô tete sî als ir wære gâch
        und niht umb sîn geverte kunt,
3614 unz er ir rief anderstunt.
        dô kêrte sî sâ
        unde antwurt im dâ.
        sî sprach 'wer ruofet mir? wer?'
        er sprach 'vrouwe, kêret her.'
3619 sî sprach 'herre, daz sî.'
        sî reit dar und habet im bî.
        sî sprach 'gebietet über mich:
        swaz ir gebietet, daz tuon ich,'
        und vrâget in der mære
3624 wie er dar komen wære.
[ zurück ]