Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

671 in kurzer wîle gelac,
      und begunde liehten der tac.
       Dô diu vreise zergienc
      und ez ze wetere gevienc,
      wær ich gewesen vür wâr
676 bî dem brunnen zehen jâr,
      ichn begüzze in niemer mê:
      wan ich hetez baz gelâzen ê.
      die vogele kâmen widere:
      ez wart von ir gevidere
681 diu linde anderstunt bedaht:
      sî huoben aber ir süezen braht
      und sungen verre baz dan ê.
      mirn wart dâ vor nie sô wê,
      desn wær nû allez vergezzen.
686 alsus het ich besezzen
      daz ander paradîse.
      die selben vreude ich prîse
      vür alle die ich ie gesach.
      jâ wând ich vreude ân ungemach
691 unangestlîchen iemer hân:

[ zurück ]