einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1305 und jâhen alle gelîche,dâ enwære dehein zwîvel an, er enwære der tiuriste man der ie kæme in daz lant. dâ enwas nieman zehant 1310 dem sîn sige wære leit: si prîsten sîne manheit. ir spil begunden si mêren dô ze sînen êren. grôz bûhurt huop sich dâ 1315 unde tanzen anderswâ. in entwâfente der herzoge Îmâin: in ir schôz leite in daz kint vrouwe Ênîte ze ruowe nâch dem strîte. 1320 ir gebærde was vil bliuclîch, einer megede gelîch. si enredte im niht vil mite: wan daz ist ir aller site daz si zem êrsten schamic sint 1325 unde blûc sam diu kint. |