Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3287 niuwan einen einigen man:
        der selbe sach im daz wol an
        daz er niht rehtes sinnes was.
        der vlôch in, daz er genas,
        dâ bî in sîn hiuselîn.
3292 dane wânder doch niht sicher sîn
        unde verrigelte vaste die tür:
        dâ stuont im der tôre vür.
        der tôre dûht in alze grôz:
        er gedâhte 'tuot er einen stôz,
3297 diu tür vert ûz dem angen,
        und ist um mich ergangen.
        ich arme wie genise ich?'
        ze jungest dô bedâhter sich
        'ich wil im mînes brôtes geben:
3302 sô lât er mich vil lîhte leben.'
        hie gienc ein venster durch die want:
        dâ durch rahter die hant
        und leit im ûf ein bret ein brôt:
        daz suozt im diu hungers nôt;
3307 wand er dâ vor, daz got wol weiz,
[ zurück ]