einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4885 gunêret ob ich rîteund geschendet ob ich bîte. nune mag ichs beidiu niht bestân und getar doch ir dewederz lân. nû gebe mir got guoten rât,4890 der mich unz her geleitet hât, daz ich mich beidenthalp bewar sô daz ich rehte gevar. ichn wil benamen die niht lân der ich mich ê geheizen hân4895 und diu ir angest und ir leit niuwan von mînen schulden treit: wan liez ich die danne, wie zæme daz guotem manne? doch wære diu eine maget4900 dâ wider schiere verclaget, wider dem schaden der hie geschiht, gieng ez mir an die triuwe niht. sô wære ouch dirre wirt wol wert, der ouch mîner helfe gert,4905 und hern Gâweins swester und ir kint, |