einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8879 Ênîte und der künec guot,umbe den herren Êrecken. in wîste vür die stecken der wirt selbe mit der hant ûf einen stîc den er dâ vant: 8884 der was grasic und niht breit. si beliben alle, er eine reit. ich enweiz wie ez im ergie: ez enwas eht ritter nie mê guntrœstet dan er wart. 8889 er vuor ein angestlîche vart. des trûrte sîn geselleschaft. nû bewar eht in diu gotes kraft, daz im der lîp belîbe: des helfet sînem wîbe 8894 durch got biten alle, daz im der sige gevalle. hin reit der künec Êrec eine den grasigen wec wol drîer rosseloufe lanc 8899 durch bluomen und durch vogelsanc |