Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4357 sô wære iu ze gâch
        und belibet sîn âne ruom.
        ir sult ez durch got tuon
        und mich mit gemache lân,
        wan ich habe iu niht getân.
4362 ich hân verre geriten
        und selh arbeit erliten
        daz aller mînes herzen rât
        unwilleclîchen stât."
        der herre gedâhte: "er ist verzaget,
4367 sît er sîne arbeit klaget."
        er sprach: "ir wert iuch âne nôt
        dâ mite daz ich iu dienest bôt.
        daz enhân ich anders niht getân
        wan ûf ritterschefte wân.
4372 swaz iu nû mê von mir geschiht,
        dar umbe dürfet ir mir niht
        an mîne triuwe sprechen,
        die ich nimmer wil zebrechen.
        wert iuch durch iuwer schœnez wîp,
4377 welt ir behalten den lîp."
[ zurück ]