Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5976 an diz suochen geleit:
        ich gedâhte ê niuwan dar an,
        ob ich vunde disen man,
        wie sælec ich danne wære,
        und daz ich mîne swære
5981 gar hete überwunden.
        nû hân ich in vunden:
        alrêst gât mir angest zuo,
        wie er wider mich getuo.
        ob er mir helfe widerseit,
5986 waz touc dan mîn arbeit?'
        disen segen tete sî vür sich
        'herre got, nû lêre mich
        die rede der ich genieze,
        daz in mîn iht verdrieze
5991 und daz er mich niht entwer.
        ob mir verliuset des ich ger
        mîn ungelücke ode sîn zorn,
        sô hân ich mîn vinden verlorn.
        got gebe mir sælde unde sin.'
5996 zehant reit sî eneben in.
[ zurück ]