Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

6293 ouch nam er war daz lützel hie
        überiger rede ergie,
        der doch gerne vil geschiht
        dâ man vil wîbe ensament siht:
        wan dâ wonte in armuot
6298 bescheiden wille unde guot.
        sî wurden dicke schamerôt,
        dô er in sînen dienest bôt,
        diu ougen trüebe unde naz,
        die wîler under in saz.
6303 ouch muot in sêre ir arbeit.
        er sprach 'enwærez iu niht leit,
        sô het ich gerne vrâge
        iuwer ahte und der mâge.
        ist iuch disiu armuot an geborn,
6308 sô hân ich mînen wân verlorn.
        ich sihe wol daz iu wê tuot
        diu schame der selben armuot,
        und versihe michs dâ von:
        swer ir von kinde ist gewon,
6313 dern schamt sich ir sô sêre niht

[ zurück ]