Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4162 doch ez im solde wesen zorn,
        er hæte dicke verlorn
        von unbesihte den lîp,
        wan daz in warnte daz wîp.
        nû enhete si imz niht vol geseit
4167 ê der grâve zuo reit.
        und als er in ane sach,
        vil unritterlîch er sprach
        mit ungezæmen grimme
        nâch unvriuntlîcher stimme:
4172 "sehet umbe, ir arger diep!
        wem solde daz wesen liep
        daz ir in disen landen
        nâch unser aller schanden
        vüeret ein edel süeze wîp?
4177 und wizzet wol daz ir den lîp
        mir alzane liezet:
        wan daz ir geniezet
        daz ir ritter sît genant,
        ich hieze iuch hâhen hie zehant.
4182 ir habet si under vriunde danc.
[ zurück ]