Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5132 ein phlaster wart mit ir getragen.
        dâ von wil ich iu sagen
        wie guot ez ze wunden was:
        manec verchwunder sîn genas.
        swem ez wart gebunden
5137 über sîne wunden,
        den geswar si nie mêre,
        und enheilte niht ze sêre,
        wan ze rehter mâze genuoc.
        dehein übel nie dar zuo gesluoc.
5142 allez argez ez vertreip:
        swaz ez guotes vant, daz beleip,
        und die dâ von genâsen,
        die überhuop ez mâsen,
        daz man die lîch ebene sach
5147 als dâ nie wunde geschach.
        mit disem phlaster verbant
        der küneginne hant
        des ritteres sîten.
        diu werlt ze deheinen zîten
5152 bezzer phlaster nie gewan.
[ zurück ]