Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1395 des heter sich vil wol erwert.
        im was eht dirre tôt beschert.
        diz hœret er und ist uns bî.
        nû kieset hie wie küener sî:
        sît er mînen herren hât erslagen,
1400 wie mac er dar an verzagen
        ern lâze sich ouch ein wîp sehen?
        wand waz möht im von der geschehen?'
         Dô sî gesuochten genuoc
        und in sîn stein des übertruoc
1405 daz im niht arges geschach,
        wand in dâ nieman ensach,
        do gelac daz suochen under in.
        ir tôten truogen sî hin
        ze münster, dâ manz ambet tete
1410 mit vollem almuosen und mit gebete.
        dar nâch truogen si in ze grabe.
        von ir grôzen ungehabe
        wart dâ ein jæmerlîcher schal.
        diu juncvrouwe sich dô stal
1415 von dem gesinde dan
[ zurück ]