Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3005 wie si möhte erwenden
        alsô gemeinen haz.
        ouch geruochte si erkennen daz
        daz ez ir schult wære.
        si begunde dise swære
3010 harte wîplîchen tragen.
        Êrecke getorste siz niht klagen:
        si vorhte in dâ verliesen mite.
        nû kam ez alsô nâch ir site
        daz er umbe einen mitten tac
3015 an ir arme gelac.
        nû gezam des wol der sunnen schîn
        daz er ir dienest muoste sîn:
        wan er den gelieben zwein
        durch ein vensterglas schein
3020 und hete die kemenâten
        liehtes wol berâten,
        daz si sich mohten undersehen.
        daz ir von vluochen was geschehen,
        dâ begunde si denken an.
3025 vil gâhes ruhte si hin dan.
[ zurück ]