Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3147 oder solde gedagen,
        nû redete si in ir muote:
        "rîcher got der guote,
        ze dînen genâden suoche ich rât:
        dû weist al eine wiez mir stât.
3152 mîner sorgen der ist vil,
        wan mir ein unsenftez spil
        in einer alsô kurzen vrist
        ze gâhes vor geteilet ist.
        nû enkan ichz wægeste niht ersehen:
3157 waz sol mir armen geschehen?
        wan swederz ich mir kiese
        daz ich doch verliese.
        warne ich mînen lieben man,
        dâ genim ich schaden an,
3162 wan sô hân ich den lîp verlorn.
        wirt aber diu warnunge verborn,
        daz ist mîns gesellen tôt.
        jâ ist einer selhen nôt
        wîbes herze ze kranc."
3167 nû kam der muot in ir gedanc:
[ zurück ]