einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3839 und daz erz von herzen sprach,vil güetlîchen sach si in an, den vil ungetriuwen man, und lachete durch schœnen list. si sprach: "ich wæne iu ernest ist. 3844 herre, zürnet ir niht: wan iu der rede unnôt geschiht. ez was zewâre mîn wân, ir hetet die rede durch schimph getân. wan ez ist iuwer manne site 3849 daz ir uns armiu wîp dâ mite vil gerne trieget - ich getar niht sprechen: lieget -, daz ir uns vil ze guote geheizet wider iuwerm muote: 3854 dâ von ich dicke hân gesehen wîben michel leit geschehen. hæte ich niht ervorht daz, ich hæte iu gantwurtet baz, wan ich, herre, niene bin 3859 iedoch sô gar âne sin, |