einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6487 nû hât iu got den wunsch gegeben:vor muoste iu vil gewerren, nû lobet unsern herren daz er iuchs hât übertragen und lât iuwer tumbez klagen: 6492 ê lebetet ir âne êre, der habet ir nû mêre dan dehein iuwer lantwîp. ir kestiget den lîp, welt ir wizzen, âne nôt. 6497 iu ist ein arm man tôt: des sît ir ergetzet mit mir. den selben wehsel möhtet ir immer gerne trîben. ich rietez allen wîben, 6502 wanz enmöhte in niht gewerren daz si einen rîchen herren næmen vür einen selhen man. iuwer tumpheit ich iu verban. nû ezzet durch den willen mîn." 6507 dô sprach diu edel künegîn: |