Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6517 er entæte sîn untugent schîn:
        sîn zorn in verleite
        ze grôzer tôrheite
        [und ûf grôzen ungevuoc,]
        daz er si mit der hant sluoc
6522 alsô daz diu guote
        harte sêre bluote.
        er sprach: "ir ezzet, übel hût!"
        beide stille und überlût
        sô dûhtez si alle gelîche,
6527 arme unde rîche,
        ein michel ungevuoge.
        ouch wizzenz im genuoge
        under sîniu ougen:
        die andern redtenz tougen,
6532 ez wære tœrlîch getân
        und er möhtez gerne lâzen hân.
        er wart dar umbe gestrâfet vil:
        si wizzen imz unz ûf daz zil
        daz der schalchafte man
6537 vil sêre zürnen began.
[ zurück ]