einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6574 unde nemet ir mir den lîp,ichn wirde doch nimmer iuwer wîp. des nemet iu ein zil." der rede treip si sô vil unz er si anderstunt 6579 sêre sluoc an den munt. sînen slac si niht vlôch: vil sêre si sich drunder zôch, daz si ir mêre emphienge. si wânde ir wille ergienge. 6584 si sprach: "wê mir vil armen wîbe! wære mîn geselle bî lîbe, diz bliuwen wære vil unvertragen." dô si sô lûte begunde klagen, Êrec fil de roi Lac 6589 [dannoch unversunnen lac] in des tôdes wâne, und doch des tôdes âne. geruowet was er etewaz unde doch niht vil baz. 6594 er lac in einem twalme |