Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1055 ez enwart ouch vürbaz niht gespreit.
        ouch saget uns diu wârheit
        von den vischæren
        daz si gebruoder wæren.
        die muosen im beide
1060 mit triuwen und mit eide
        vil wol bestæten daz,
        si ensagetenz niemer vürbaz.
         Die bruoder wâren ungelîch,
        der eine was arm, der ander rîch.
1065 der arme bî dem klôster saz,
        der rîche wol hin dan baz
        wol über einer mîle zil.
        der arme hete kinde vil;
        der rîche nie dehein kint gewan,
1070 niuwan ein tohter, diu hete man.
        nû wart der abbet enein
        vil guoter vuoge mit den zwein,
        daz sich der ermere man
        næme daz kint an
1075 und ez dâ nâhen bî im züge
[ zurück ]