einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1085 sô si wol enbizzen sîtunz nâch der messezît, und man den abbet bæte daz er sô wol tæte und daz kint selbe toufte1090 und dâ mite koufte got und ir dienesthaften muot. der rât was gevüege und guot. Nû nam der abbet dâ den rât, daz golt und die sîdîne wât,1095 und gap dem armen dô zehant der sich des kindes underwant zwô marke von golde dâ mite erz ziehen solde, dem andern eine marke1100 daz erz hæle starke. daz ander truoc er von dan. der vil sælige man, vil wol gehielt er im daz, dêswâr er enmöhte baz,1105 wande erz ze gewinne kêrte |