einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1296 daz ez sus weinende kam,ir kinde si engegen lief. in grôzen unsiten si rief: 'sich, wie weinestû sus?' 'dâ sluoc mich Grêgôrius.'1301 'war umbe hât er dich geslagen?' 'muoter, ich kan dirs niht gesagen.' 'sich her, tæte dû im iht?' 'muoter, weizgot nein ich niht.' 'wâ ist er nû?' 'bî jenem sê.'1306 'wê mir armer, wê! er tumber gouch vil betrogen! hân ich daz an im erzogen daz er mir bliuwet mîniu kint, sô wol gevriunt sô si hie sint?1311 dînen vriunden zimet daz niht wol daz ich diz laster dulden sol von einem sô gewanten man der nie mâge hie gewan. daz dich tar gebliuwen der1316 der sich hât verrunnen her, |