einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich136 als alle sîne gelîchen tuont, dô schiet in sîn bitter leit von Jôbes geduldikeit. wan ez leit Jôb der guote mit geduldigem muote, 141 do ez im ze lîdenne geschach, durch der sêle gemach den siechtuom und die swacheit die er von der werlte leit; des lobete er got und vreute sich. 146 do entete der arme Heinrich leider niender alsô; er was trûric und unvrô. sîn swebendez herze daz verswanc, sîn swimmendiu vreude ertranc, 151 sîn hôchvart muose vallen, sîn honec wart ze gallen. ein swinde vinster donerslac zebrach im sînen mitten tac, ein trüebez wolken unde dic 156 bedahte im sîner sunnen blic. |