Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4014 von vorhten grœzer arbeit
        danne ie dehein wîp,
        wand sî gevangen ûf den lîp
        in der kapellen lac.
        und dô er dirre clage pflac,
4019 dô sach sî hin vür
        durch eine schrunden an der tür.
        sî sprach 'wer claget dâ? wer?'
        'wer vrâget des?' sprach aber er.
        sî sprach 'herre, daz hie claget,
4024 daz ist ein alsô armiu maget
        daz von deheiner sache,
        von manegem ungemache,
        deheiniu armer möhte leben.'
        er sprach 'wer möhte iu geben
4029 sô grôzen kumber als ich hân?
        ir muget wol iuwer clage lân:
        wan der vervluochte daz bin ich.'
        sî sprach 'daz ist unmügelich
        daz iuwer kumber müge sîn
4034 des endes iender sam der mîn.
[ zurück ]