Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4781 daz ist mîn bete und mîn gebot.'
        her Îwein sprach 'nu enwelle got
        daz mir diu unzuht geschehe
        daz ich ze mînen vüezen sehe
        diu mîns hern Gâweins swester ist.
4786 jâ wære des, wizze Krist,
        dem künege Artûs ze vil.
        ich sol unde wil
        gedienen immer mêre
        daz sî der grôzen êre
4791 mich armen man erlâze:
        mich gnüeget rehter mâze.
        ich sag iu wie ich in bestê.
        als ich iu gelobete ê,
        kumt er uns vruo ze selher zît,
4796 swenne sich endet der strît,
        daz ich umbe mitten tac
        ir ze helfe komen mac
        der ichz ê gelobet hân,
        sô wil ich in durch iuch bestân,
4801 durch mîner vrouwen hulde,
[ zurück ]