einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage244 als er noch vil manigem tuotdurch swaches herzen lêre, ûf ein betrogen êre, daz er sich sîn gerüemen kunde. swie manic man ez befunde,249 daz dûhte in êre unde heil. daz er dem tiuvel enteil, sînem altherren, werden müeze - swie ich den fluoch gebüeze - und alle sîne gelîchen,254 der arme zuo dem rîchen! sî sîn tôt oder leben, ich wil sî ir meister ergeben, daz er sîne knehte hœne wol nâch rehte,259 und got in beneme den trôst daz sî iemer werden erlôst von der helle grunde. swaz ich des segens kunde, des wære ich gerne ir beteman,264 wan ich in ir lônes wol gan. |