Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6183 Ern ruochte waz er im sprach,
        dô er deheine vreise sach
        weder in der burc noch darvor.
        nû sach er innerhalp dem tor
        ein wîtez wercgadem stân:
6188 daz was gestalt und getân
        als armer liute gemach;
        dar in er durch ein venster sach
        würken wol driu hundert wîp.
        den wâren cleider untter lîp
6193 vil armeclichen gestalt:
        irn was iedoch deheiniu alt.
        die armen heten ouch den sin
        daz gnuoge worhten under in
        swaz iemen würken solde
6198 von sîden und von golde.
        genuoge worhten an der rame:
        der werc was aber âne schame.
        und die des niene kunden,
        die lâsen, dise wunden,
6203 disiu blou, disiu dahs,
[ zurück ]