einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3190 nû sprach ein roubære:"ich sage iu liebiu mære dâ von uns wol mac geschehen" - der hâte si von êrste ersehen - "ich sihe dort rîten einen man: 3195 als ich ez verre kiesen kan, er vüeret eine vrouwen. ir muget wol schouwen, an ir geverte sint si rîch: ir kleider sint hêrlîch. 3200 hie endet unser armuot: mich dunket, si vüerent michel guot. nû sult ir herren sîn gemant daz iu diu triuwe sî erkant, waz wir under uns gelobet hân, 3205 und sult mir die wal lân an disem roube, und daz mir erloube vor iu iuwer beider munt die êrsten tjost hie zestunt 3210 diu wider den ritter sol geschehen, |