Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6399 nieman getrœsten mac.
        ez ist ein unbiderber strît,
        dâ ir doch ane sô stæte sît.
        iuwer schade ist niht sô grôz:
        ich bin vil wol sîn übergenôz
6404 oder doch wol als vrum als er.
        vrouwe mîn, nû tuot her.
        ich wil geben in iuwer hant
        mich unde mîn lant
        und sô kreftigez guot
6409 daz ir iuwer armuot
        und leides müget vergezzen.
        noch gât dan mit mir ezzen."
        si sprach: "daz ensol got wellen,
        daz ich mînen gesellen
6414 alsô müeze hân verlorn."
        des wart vil tiure dô gesworn:
        "ê erwel ich daz ich der erde
        mit im bevolhen werde.
        ich hân immer manne rât
6419 sît mir in got benomen hât."
[ zurück ]