Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3969 sô daz er ir durch den zorn
        ze geselleschefte niht phlac,
        wan er sunder âz und lac.
        nû gedâhte diu guote
        alsô in ir muote:
3974 "ez ist mir ûf daz zil komen
        daz mir benamen wirt benomen
        der aller liebiste man
        den ie wîp mêr gewan,
        ez ensî daz ich in warne.
3979 ouch weiz ich daz ichz arne,
        zebriche ich aber sîn gebot.
        nû rât mir, herre, rîcher got!
        des enwart mir nie sô nôt.
        ich weiz wol, ez ist mîn tôt,
3984 wan er hât mirz nû zwir vertragen.
        waz aber von diu, wirde ich erslagen
        unde nimt er mir den lîp?
        dannoch lebet manec vrum wîp.
        ich enbin ouch niht sô klagelîch:
3989 sô ist er edel unde rîch,
[ zurück ]