Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5579 worden harte bluotvar,
        swâ er ane ruorte
        dâ in daz ros hin vuorte,
        wan er was gebunden
        daz er ze deheinen stunden
5584 den boumen mohte entwîchen,
        er enmüeste sich dran strîchen.
        dô spürte in der guote
        allez an dem bluote
        verre unz daz er in vant.
5589 dô lôste er im diu bant
        von vüezen und von henden
        und brâhte den ellenden
        wider ze sînem wîbe
        mit unganzem lîbe
5594 und doch anders gesunden,
        als er in hete vunden,
        mit geiseln zeslagen.
        doch endorfte er nimmer geklagen,
        sît im daz leben beliben was,
5599 wan er dises smerzen wol genas.
[ zurück ]