Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7213 arbeit umb êre.
        sine heten nie mêre
        in alsô kurzen stunden
        sô vollen gelt vunden:
        si entlihen nie einen slac
7218 wan dâ der gelt selb ander lac.
        die schilte wurden dar gegeben
        ze nôtpfande vür daz leben:
        die hiuwens drâte von der hant.
        done heten sî dehein ander pfant
7223 niuwan daz îsen alsô bar:
        daz verpfanten sî dar.
        ouch enwart der lîp des niht erlân
        ern müese dâ ze pfande stân:
        den verzinseten sî sâ.
7228 die helme wurden eteswâ
        vil sêre verschrôten,
        daz die meilen rôten
        von bluote begunden,
        wande sî vil wunden
7233 in kurzer stunt enpfiengen
[ zurück ]