Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

771 mit selher gewarheit
      daz deheiner slahte leit
      geschæhe dem kinde
      von regen noch von winde
      noch von der ünden vreise
776 ûf der wazzerreise
      ze zwein tagen oder ze drin.
      alsus truogen si ez hin
      bî der naht zuo dem sê:
      vor dem tage enmohten si ê.
781 dâ vunden si eine barke
      ledige unde starke,
      dâ leiten si mit jâmer an
      disen kleinen schefman.
      dô sande im der süeze krist
786 der bezzer danne gnædic ist
      den vil rehten wunschwint:
      si stiezen an, hin vlôz daz kint.
       Ir wizzet wol daz ein man
      der ir iewederz nie gewan,
791 reht liep noch grôzez herzeleit,
[ zurück ]